TA’LIM SOHASINI RIVOJLANTIRISH BO’YICHA XALQARO KONFERENSIYA BO‘LIB O‘TDI

Jahon iqtisodiyoti va diplomatiya universitetida “Ta’lim sohasini rivojlantirishning dolzarb tendensiyalari: O‘zbek va Xitoy oliy ta’lim muassasalari tajribasi” mavzusida xalqaro konferensiya bo‘lib o‘tdi.

Tomonlar O‘zbekiston-Xitoy parlamentlararo sheriklik istiqbollari, shuningdek oliy ta’lim sohasidagi hamkorlik, o‘quv jarayoniga innovatsion dasturlarni joriy etish masalalarini muhokama qilishdi.

Anjumanda Xitoy oliy o‘quv yurtlariga qabul qilish tizimi, JIDUda xitoy tilini ikkinchi chet tili sifatida o‘rgatishdagi yutuqlar, Xitoy OTMda o‘zbek tilining o‘qitish tajribasi namoyish etildi.