TURKIYANING BALIKESIR UNIVERSITETIGA YOSH OLIMLAR STAJIROVKA UCHUN YUBORILADI

Turkiyaning “BALIKESIR” universitetiga yosh olimlar stajirovka uchun yuboriladi.

Shu maqsadda Innovatsion rivojlanish agentligi tomonidan O‘zbekiston Respublikasi Prezidentining Turkiya Respublikasiga oliy darajadagi tashrifi doirasida imzolangan hujjatlarni amalga oshirish bo‘yicha amaliy harakatlar rejasi (Yo‘l xaritasi)da Oliy taʼlim, fan va innovatsiyalar vazirligiga belgilangan topshiriqlar ijrosini taʼminlash maqsadida yosh olimlarni xorijiy tashkilotlarga qisqa muddatli ilmiy stajirovkaga yuborish uchun maqdasli tanlov eʼlon qilindi.

Unga ko‘ra 2025-yil davomida 30 kunlik muddatga stajirovka o‘tash uchun 40 nafar yosh olim saralab olinadi.

Oliy taʼlim muassasalari va ilmiy tashkilotlar stajirovka o‘tashga tavsiya qilinuvchi nomzodlar to‘g‘risidagi maʼlumotlarni 2025-yilning 31-yanvar sanasiga qadar (edo.ijro.uz, info@ilmiy.uz yoki mininnovation@exat.uz elektron manzili orqali) agentlikka taqdim etishlari mumkin.