XALQARO ISLOM AKADEMIYASI PROFESSOR-O‘QITUVCHILARI OʻMON SULTONLIDA MALAKA OSHIRMOQDA

O‘zbekiston xalqaro islom akademiyasi vakillari Sulton Qobus universitetida malaka oshirmoqda.

O‘zbekiston xalqaro islom akademiyasi “Arab tili va adabiyoti al-Azhar” kafedrasining bir guruh professor-o‘qituvchilari Oʻmon Sultonligining Sulton Qobus universitetining chet elliklarga arab tilini o‘rgatish institutida tashkil etilgan malaka oshirish kursida ishtirok etmoqda.

Akademiya vakillari o‘quv kursi davomida chet tilini o‘rgatishning zamonaviy usullari, yangi pedagogik texnologiyalarni ta’lim jarayonida qo‘llash hamda CEFR, ACTFL, OPT, ISLRP kabi chet tilini bilish ko‘nikmalarini baholashning xalqaro standartlari bilan yaqindan tanishib, tajriba almashmoqda.

Malaka oshirish kurslari dasturidan ko‘plab tadbirlar, xususan, ma’ruzalar, madaniy kechalar, turli tarixiy va madaniy joylarga ma’rifiy sayohatlar, arab xattotlik darslari ham o‘rin olgan.