Bugun, 26-sentabr kuni O’zbekiston davlat jahon tillari universitetiga Shanxay chet tillari universitetining bir guruh talabalari tashrif buyurib, “Sharqdan esgan shamol” nomli badiiy chiqishlarini namoyish etishdi.

Ikki universitetning o’zaro hamkorligi doirasida tashkillashtirilgan tadbir kuy-qo’shiq hamda milliy tarona-yu raqslarga boy bo’ldi.

Badiiy chiqishlar doirasida “Yasmin” qo’shig’i hamda raqsi, “Bahor keldi Syanjiangga” kuyi, “Yelmoq” qo’shig’i, “Sokin tun” raqsi, “Hilol” qo’shig’i, “Gul nechuk bunchalar qizil” raqsi, “Yelpig’ich gulday ochiladi” raqsi hamda “Yoshlik kuyi” kabi dasturlar namoyish etildi.

Tadbir davomida O’zDJTU talabalari Xitoy cholg’u asboblarini ijro qilib ko’rish imkoniyatiga ham ega bo’lishdi.

Badiiy dastur barchaga ko’tarinki kayfiyat bag’ishladi.

Manba: uzswlu.uz