YAPONIYANING NIPPON TRAVEL AGENCY CO LTD. KOMPANIYASI VAKILI BILAN UCHRASHUV BO‘LIB O‘TDI

O‘zbekiston davlat jahon tillari universitetida Yaponiyaning Nippon Travel Agency Co Ltd. kompaniyasi direktor o‘rinbosari Baba Naoki janoblari bilan uchrashuv bo‘lib o‘tdi.

Baba Naoki qabul uchun minnatdorchilik bildirib, xorijiy oliygohlar orasida yapon tilini o‘rganuvchi eng ko‘p talabalar va Yaponiyalik til sohiblari bo‘lgan universitet bilan hamkorlik qilishdan mamnunligini ma’lum qildi.

Muhokamalar natijasida yapon tomoni talabalar uchun intensiv yapon tili hamda kasbiy tayyorlov kurslari (onlayn va offlayn)ni tashkil qilish, O‘zDJTU talabalari amaliyotini O‘zbekiston va Yaponiyadagi korxona va kompaniyalarda tashkil qilish, talabalar uchun Yaponiya OTMlarida 1 semestr yoki 1 o‘quv yili davomida tahsil olish uchun grant olishlarida amaliy yordam ko‘rsatishga tayyor ekanligini ma’lum qildi. Uchrashuv so‘nggida O‘zDJTU va Nippon Travel Agency Co Ltd. kompaniyasi o‘rtasidagi sheriklik shartnomasi imzolandi.